NEWS: ព្រះរាជពិធីសែនក្រុងពាលីលើកកំពូលត្ររួត ព្រះមហាចេតិយ ព្រះអង្គឌួ

ថ្ងៃពុធ៤កើតខែស្រាពណ៌ ឆ្នាំ ច សំរឹទ្ធិស័ក ពុទ្ធសករាជ ២៥៦២ ត្រូវនឹងថ្ងៃទី១៥ ខែ សីហា ឆ្នាំ ២០១៨

ព្រះរាជពិធីអភិសេកឆត្ររួតតម្កល់លើព្រះចេតិយ ព្រះអង្គឌួងបន្ទាប់ពីជួសជុលហើយ។

នាវេលាព្រឹកថ្ងៃពុធ ៤រោច ខែស្រាពណ៍ ឆ្នាំច សំរឹទ្ធិស័ក ពុទ្ធសករាជ២៥៦២ ត្រូវនិងថៃ្ងទី១៥ ខែសីហា ឆ្នាំ២០១៨ ព្រះករុណាជាអម្ចាស់ជីវិតលើត្បូង ព្រះបាទសម្ដេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ជាទីគោរពសក្ការៈដ៏ខ្ពង់ខ្ពស់បំផុត សព្វព្រះរាជហឫទ័យ ស្ដេចយាងជាព្រះរាជាធិបតីដ៏ខ្ពង់ខ្ពស់បំផុត នៃព្រះរាជពិធីបួងសួងសែនក្រុងពាលីលើកកំពូលឆ័ត្ររួត ព្រះមហាចេតិយ ព្រះបាទសម្ដេច ហរិរក្សរាមា ឥស្សរាធិបតី ព្រះអង្គឌួង ព្រះបរមកោដ្ឋ បរិវេណព្រះឧបោសថរតនារាមព្រះកែវមរកត នៃព្នៃព្រះបរមរាជវាំង

ព្រះបាទអង្គឌួង(១៧៩១-១៨៦១)=៦៥ ព្រះវស្សា

ឯកសារមហាបុរស និង រាជពង្សាតាអះអាងថា ព្រះបាទអង្គឌួង / អង្គដួង ប្រសូត្រនៅថៃអាទិត្យ ៩កើតខែអាសាធ ឆ្នាំរោងអដ្ឋស័ក ព.ស ២៣៤០, គ.ស ១៧៩៦, ម.ស ១៧១៨, ច.ស ១៦៤៥ នាក្រុងឧដុង្គ

ទ្រង់បានរាជាភិសេកនៅក្រុងឧដុង្គ ថៃ្ងអង្គារ៍ ១កើត ខែផល្គុណ ឆ្នាំមមែ នព្វស័ក ព.ស២៣៩១ ត្រូវនឹងថៃទី៧ ខែមិនា គ.ស ១៨៤៨ ម៉ោង៧ព្រឹក ក្នុងព្រះជន្មាយុ៥២ ព្រះវស្សា ដោយមាននាមថា “ ព្រះបាទ សម្តេចស្តេចព្រះរាជឱង្ការព្រះហរិរក្សរាមាឥស្សរាធិបតីព្រះស្រី សុរិយោពណ៌ ធម្មិកវរោត្តមបរមសុរេន្ទ្រាមហាចក្រពត្រាធិរាជ បរមបពិត្រឋិតជាឥសូរកំពូលរដ្ឋរាស្ត្រឱភាសជាតិវរវង្ស តម្រង់ក្រុងកម្ពុជាមហាឥន្ទបត្តនគរបវរវឌ្ឍនាតិរេកឯករាជាខត្តិ យា មហាធិបតិន្ទ្រវិសុទ្ធិឧត្តមបរមបពិត្រជា អម្ចាស់ជីវិតលើត្បូងគង់ក្នុងព្រះបរម រាជវាំឧដុង្គមានជ័យ ” ។

ទ្រង់ចូលទីវង្គត់នៅថៃ្ងសុក្រ ៥កើត ខែកត្តិក ឆ្នាំវក ទោស័ក ព.ស ២៤០៤ ត្រូវនឹងថៃទី១៩ តុលា គ.ស ១៨៦១ វេលាម៉ោង ៤ និង ៥ នាទីរសៀល ក្នុងព្រះជន្មាយុ៦៥ ព្រះវស្សា ។ ព្រះរាជពង្សាវតា បានបញ្ជាក់ថាមុនពេលព្រះអង្គចូលទីវង្គត ព្រះអង្គបានផ្តែផ្តាំអោយពន្លះព្រះមំសៈ (សាច់) របស់ទ្រង់អោយជាទានដោយមានបន្ទូលថា “បើខ្ញុំសោយទីវង្គត់ទៅ ឱ្យវះពន្លះព្រះមំសៈខ្ញុំឱ្យទានសត្វទ្វេបាទ (សត្វជើងពីរ) និង សត្វចតុបាទ (សត្វជើងបួន) សត្វអដ្ឋបាទ (សត្វជើងប្រាំបី) បរិភោគជាអាហារចុះ” ។
ព្រះអង្គមានបុត្រ២អង្គដែលបានឡើងសោយរាជ បន្តព្រះអង្គជាបន្តបន្ទាប់គឺ ព្រះ បាទនរោត្តម និង ព្រះបាទសីសុវត្ថិ ៕៚